لە دوکان جووتیاران ته‌ماته‌ى ڕه‌ش به‌رهه‌م دەهێنن

ئاڤا نیوز

لە سنووری قەزای دوکانی سەر بە پارێزگای سلێمانی، جووتیاران جۆرێکی جیاوازی تەماتە بەرهەم دەهێنن، کە ڕەنگەکەی ڕەشە و دەڵێن، بڕێکی زۆر ماددەی ئاسنی تێدایە بۆیە ڕەنگەکەی بۆ ڕەش گۆڕاوە.

چیرۆکی سەرەکی: خاکی کوردستان بۆ کشتوکاڵکردن لە هەموو بوارەکاندا خاکێکی بەپیتە و ئێستا بەشێک لە جوتیارانی نمونەیی لە شارە جیاوازەکانی کوردستان سەرقاڵی بەرهەمهێنانی جۆرە ناوازەکانی میوە و بەرهەمی کشتووکاڵین، ئەوەش خۆبژێویی و ئاسایشی خۆراک لە کوردستاندا بەهێز دەکات.

زانیاریی بەدەستهاتوو: جووتیارانی گوندی کۆتەلی سەر بە قەزای دوکان تۆوی تەماتەی ڕەشیان هێناوە و  چاندوویانە، ئەوەی سەیرە تەماتەی ڕەش هەر تامی تەماتە سوور دەدات، بەڵام کەمێک تاڵە. شێوەشی جیاوازە و ئەگەر لە دوورەوە سەیری بکەیت وادەزانیت ترێی ڕەشە یان گێلاسە.

خاڵە ئەرێنییەکان: وەک جووتیارەکان باسی دەکەن ئەم تەماتە ڕەشە سوودی زۆری هەیە بۆ تەندروستی  و زیاتریش بۆ زەڵاتە بەکاردەهێنرێت، نرخەکەشی لە بازاردا هەرزانە.