گەنجێکی هەولێر هەوڵ دەدات لەڕێگەی مەلەکردنەوە ناوی بچێتە کتێبی گینسەوە

ئاڤا نیوز

گەنجێکی شاری هەولێر دەیەوێت لەڕێگەی مەلەکردنەوە ناوی بچێتە کتێبی گینسەوە. ئەو مەلەوانە لەژێر ئاو نان دەخوات و دەخەوێت.

چیرۆکی سەرەکی: توانا خەڵکی هەولێرە و ناسراوە بە دۆلفینەکەی هەولێر، مەلەزانێکی بە توانایە و دەڵێت، دەتوانم لە زەریای ئەتڵەس مەلە بکەم. توانا هەوڵ دەدات ناوی بچێتە کتێبی گینسەوە بۆ ژمارە پێوانەییەکان و دەیەوێت لە دوکانەوە بەمەلە بڕواتە بەغدا کە زیاتر لە 400 کیلۆمەترە.

لێدوانی فەرمی: توانا قسە بۆ مایکی ئاڤا دەکات و دەڵێت، دەتوانم لەژێر ئاودا نان بخۆم و بخەوم. 

بینراو و بیستراو: توانا هەندێک ڤیدیۆی تۆمارکراو پیشان دەدات و دەچێتە ژێر ئاو و دۆشەک و بەتانی ڕاخستووە و پاڵ کەوتووە.

ڤیدیۆیەکی دیکەیشی هەیە شووتییەک دەباتە ژێر ئاو و قاژی دەکات و دەیخوات.

ئەوەی پێویستە بیزانیت: توانا ناوی خۆی ناردووە بۆ لیژنەی گینس، بۆ ئەوەی ئەگەر قبووڵیان کرد، تیم بنێرن تاوەکو بە مەلەکردنەوە لەدوکانەوە هەتا بەغدا بڕوات.

باکگراوند: پێشتر کەسێک بەمەلەکردن 400 کیلۆمەتری بڕیوە، توانا دەیەوێ ڕیکۆردەکەی ئەویش بشکێنێت و ببێ بەیەکەمی جیهان، دەڵێت دەتوانم بە دوو ڕۆژ بەمەلەکردن لە دوکانەوە بگەمە بەغدا.