حەوت کۆچبەری کورد لە لیبیاوە گەڕێنرانەوە کوردستان

ئاڤا نیوز

 

لەو کۆچبەرە کوردانەی لە لیبیا دەستگیرکرابوون، حەوتیان گەڕێنرانەوە هەرێمی کوردستان و ئاڤا وادەی ئازادکردن و گەڕاندنەوەی ئەوانی دیکەش بڵاو دەکاتەوە.

 

وێنە گەورەکە: گەنجانی هەرێمی کوردستان و بەشێکی دیکەی وڵاتانی ناوچەکە بۆ گەیشتن بە کەناراوەکانی ئیتاڵیا ڕێگای لیبیا بەکاردەهێنن، لە دوو مانگی ڕابردوو چەند گەنجێکی کۆچبەری کورد بەو مەبەستە ڕوویان کردووەتە لیبیا و لەوێ دەستگیر کراون، ئاڤا میدیا دوایین زانیاریی لەبارەیانەوە ئاشکرا دەکات.

 

لێدوانی فەرمی: د. موسەننا ئەمین، ئەندامی لیژنەی پەیوەندییەکانی دەرەوە لە پەرلەمانی عێراق بە ئاڤای ڕاگەیاند: بەرەبەیانیی ئەمڕۆ پێنجشەممە 10-7-2025، حەوت کەس لەو گەنجانە لەڕێگەی فڕۆکەخانەی نێودەڵەوتیی هەولێرەوە گەڕێنرانەوە هەرێمی کوردستان.

 

زانیاریی زیاتر: بە گوتەی د. موسەننا ئەمین، ئەوانی دیکەش ڕۆژی دووشەممە 14-7-2025، دەگەڕێنرێنەوە هەرێمی کوردستان.

 

ئەوەی پێویستە بیزانیت: ئەو گەنجانە ڤیزا و بلیتی گەڕانەوەیان بێبەرامبەر بۆ دابینكراوە، ئەو کارەش بە هەماهەنگی لەگەڵ فەرمانگەی پەیوەندییەكانی دەرەوەی هەرێمی كوردستان و لیژنەی پەیوەندییەكانی دەرەوەی پەرلەمانی عێراق بووە.