مەسرور بارزانی بەشداریی لە لووتکەی جیهانیی حکومەتەکان دەکات لە دوبەی

ئاڤا نیوز

مەسرور بارزانی، سەرۆکوەزیرانی هەرێمی کوردستان، بە سەردانێکی فەرمیی لە دوبەی ئیماراتە تاوەکو بەشداریی لە لووتکەی جیهانیی حکومەتەکان (WGS) بکات و زنجیرەیەک دیداری باڵا ئەنجام بدات.

چیرۆکی سەرەکی: لووتکەکە ئەمڕۆ سێشەممە 03-02-2026 کاتژمێر 07:00ـی بەیانی بە کاتی هەولێر دەستیپێکردووە و بۆ ماوەی 3 ڕۆژ بەردەوام دەبێت. لە پەراوێزی ئەم ڕووداوە جیهانییەدا، مەسرور بارزانی زنجیرەیەک کۆبوونەوەی لەگەڵ سەرکردە و بەرپرسانی وڵاتانی بەشدار دەبێت بۆ تاوتوێکردنی بەهێزکردنی پەیوەندییە دووقۆڵییەکان و گفتوگۆکردن لەسەر دوایین پێشهاتەکانی عێراق و ناوچەکە.

زانیاریی زیاتر: سەرۆکوەزیران مەسرور بارزانی، لە یەکەم دیداریدا لەگەڵ جەعفەر حەسان؛ سەرۆکوەزیرانی ئوردن کۆبووەوە.

 ئەوەی پێویستە بیزانیت: ئەمساڵ لوتکەکە زیاتر لە 150 حکومەت و 500 وەزیر لەخۆدەگرێت، کە دەرفەتێکی زێڕینە بۆ هەرێمی کوردستان تاوەکو لە نزیکەوە لەگەڵ ناوەندە بڕیاربەدەستەکانی جیهان هەماهەنگیی بکات و بەرژەوەندییە باڵاکانی نەتەوەکەی لەم قۆناغە هەستیارەدا بپارێزێت.