دهۆک دەبێتە ناوەندی تۆوی پەتاتە لە عێراق و هەرێمی کوردستان

ئاڤا نیوز

ماوەی چەند ساڵێکە هەر جووتیارێک کە پەتاتەی دەڕواند، دەبوایە تۆوەکەی لە دەرەوە هاوردە بکردبا، بەڵام ئێستا دهۆک بووەتە ناوەندێک بۆ تۆوی پەتاتە لە هەموو کوردستان و عێراق، ئەمساڵ چەندین دۆنم زەوی چێندراوە بەو جۆرە تۆوەی دهۆک، بەرهەمێکی باشی هەبووە.

چیرۆکی سەرەکی: کۆلێژی ئەندازیاری کشتوکاڵ لە زانکۆی دهۆک، بە تێکەڵکردنی چەندین توخم، تۆوی پەتاتەی کوردی بەرهەم هێناوە، بڕیاریشە لە ساڵانی داهاتوودا فراوانتر بکرێت.

زانیاریی زیاتر: تۆوی ئەم پەتاتە کوردییە لە هەردوو وەزارەتی کشتووکاڵی کوردستان و عێراقیش تۆمار کراوە، ئەمساڵ زیاتر لە 200 تۆن بەرهەمی هەبوو.