بەگوژمەی زیاتر لە یەک ملیار دینار پرۆژەیەک لە هەولێر جێبەجێ دەکرێت

ئاڤا نیوز

بەگوژمەی یەک ملیار و 688 ملیۆن دینار پڕۆژەیەكی خزمەتگوزاریی لەسەر بودجەی وەبەرهێنانی وەزارەتی شارەوانی لە ناوچەی پەرەپێدان لە سنووری شارەوانیی هەولێر جێبەجێ دەكرێت.

 

ڕاگەیێنراوی فەرمی: وەزارەتی شارەوانی ڕایگەیاند: بودجەی پرۆژەکە لەسەر وەبەرهێنانی وەزارەتی شارەوانییە و لە قوناغی دووەمدایە، مەبەست لێی دروستکردنی سەرجەم شەقامە ناوخۆییەکانی ناوچەی پەرەپێدانی نزیک گوندی پیڕەشە لە سنووری شارەوانیی هەولێر کە وەک قەرەبوو بۆ زەوییەکانی گردجووتیار تەرخان کراوە.

 

زانیاریی زیاتر: ئەو پڕۆژەیە پێکدێت لە 53 هەزار کربستۆن و 230 هەزار مەتر دووجا کاری تێکەڵەڕێژی چینی دووەم، لەگەڵ چەند تایبەتمەندییەكی دیكەی كە بە یەكێك لە پڕۆژە گرنگەكان دادەنرێت بۆ گەیاندنی خزمەتگوزاری بەو شوێنانەی تاوەكو ئێستا ئاوەدان نەكراونەتەوە یان وەک پێویست خزمەتگوزاریان پێنەگەیشتووە.

 

ئەمەش بزانە: ژمارەیەك پرۆژەی دیكەی خزمەتگوزاری لە سنووری سەرۆكایەتیی شارەوانیی هەولێر لە قۆناغی جێبەجێكردندان و پرۆژەی خزمەتگوزاریی دیكەش بەپێی پلانی شارەوانی جێبەجێ دەكرێن.