لە هەولێر زیاتر لە 700 کارتی زەوی تاپۆ دەکرێن

ئاڤا نیوز

پرۆسەی تاپۆكردنی زەوییە كارتەكان لە سنووری هەولێر و دەوروبەری بەردەوامە، ئەمڕۆش 761 كارتی دیكەی زەوی لە سنووری كانی قرژاڵە تاپۆ كران و وێنەی تۆمارەكانیان گەڕاوەتەوە.

وێنە گەورەکە: وەزارەتی شارەوانی، بەردەوامە لە تاپۆکردنی زەوییە کارتەکان لە ژێر ڕێنمایی وەزارەت، لە ماوەی ڕابردوو هەزاران کارتی زەوی تاپۆکراون و خاوەنەکانیان دەتوانن بە یاسایی مامەڵە بە زەوییەکانیان بکەن، ئەمڕۆ ژمارەیەکی دیکەی زەوی لە سنووری پارێزگای هەولێر لە کارتەوە کرانە تاپۆ.

ڕاگەیێنراوی فەرمی: وەزارەتی شارەوانی و گەشتوگوزاری حکومەتی هەرێمی هەرێمی کوردستان، ڕایگەیاند، لە چوارچێوەی كارەكانی یەكەی گۆڕینی كارتی زەوی بۆ تاپۆ لە وەزارەتی شارەوانی و گەشتوگوزار، بەشێك لە نەخشەی كەرتی 42ـی كانی قرژاڵە و بەشی 57ـی ساتور، 761 كارتی دیكەی زەوی كارەكانی تاپۆكردنیان تەواو بووە و وێنەی تۆمارەكانیان گەڕاوەتەوە و ئێستا ئامادەن.

زانیاریی زیاتر: لە كابینەی نۆیەمی حكومەتی هەرێمی كوردستان، بەمەبەستی تاپۆكردنی زەوییە كارتەكان، یەكەی گۆڕینی كارتی زەوی بۆ تاپۆ لەلایەن وەزارەتی شارەوانی و گەشتوگوزارەوە دامەزرێنرا.

ئەوەی پێویستە بیزانیت: تاوەكو ئێستا نزیكەی 78 هەزار كارتی زەوی لە سنووری هەولێر و دەوروبەری تاپۆ كراون.