پرۆژەی 'هەژماری من' هەرزانترین تێچووی بانكییە لە سەرتاسەری عێراقدا

ئاڤا نیوز

 

هەوڵەکانی حکومەتی هەرێمی کوردستان بۆ تەواوکردنی پرۆسەی تۆمارکردنی مووچەخۆران لە پرۆژەی 'هەژماری من' بەردەوامە و تاوەکو ئێستا 250 هه‌زار مووچەخۆر تۆمارکراون.

 

بۆچی گرنگه‌؟ مووچه‌خۆرانی هه‌رێمی كوردستان کە لە پرۆژەی 'هەژماری من'دا بەشداری دەکەن، له‌ پێنج بانكی ده‌وڵه‌مه‌ند و باوه‌ڕپێكراوەوە کارتەکانیان بۆ ده‌رده‌كرێت، بەمەش لە 19 خزمەتگوزاریی بانکی سوودمەند دەبن.

 

لێدوانی فه‌رمی:  وه‌زاره‌تی دارایی هه‌رێمی كوردستان ڕایگەیاند: "لە هەژماری مندا پارەكانت هی خۆتن و بۆ راكێشانیان هیچ بڕە پارەیەك نادەیت، هەرچەند پارەش ڕابكێشیت هەروا دەمێنێتەوە". 

 

ئەوەی پێویستە بیزانیت: مانگانە بانکەکەت لەڕێگەی پێشكەشكردنی خزمەتگوزاریی بانكییەوە، تەنیا بڕی دوو هەزار و 500 دینار لە هەژمارەكەت وەردەگرێت كە هەرزانترین تێچووی بانكییە لە سەرتاسەری عێراقدا. 

 

زانیاریی زیاتر: بڕیارە له‌ شوێنه‌ گشتییه‌كانی هەرێمی كوردستان هه‌زار و 600 ئامێری ATM بۆ ڕاكێشانی پاره‌ جێگیر بکرێن و ئێستا‌ به‌شێك له‌و ئامێرانه‌ خراونه‌ته‌كار.

 

ژماره‌كان واده‌ڵێن: تاوەکو ئێستا 142,360 فه‌رمانبه‌ر كارتی بانکیان وه‌رگرتووه‌ته‌وه‌؛ مامه‌ڵه‌ی 250 هه‌زار فەرمانبەریش له‌ تەواوبووندایە و ڕۆژانه‌ لەڕێگەی کورتەنامەوە ئاگادارده‌كرێنه‌وه‌ له‌ كوێ كارته‌كه‌یان وه‌ربگرنەوە.