چوارچێوەی هەماهەنگی دەنگۆی نامەیەکی سیستانی ڕەتدەکاتەوە

ئاڤا نیوز

چوارچێوەی هەماهەنگی هەموو ئەو هەواڵانەی کە باس لە نامەیەکی مەرجەعی باڵای شیعەکان دەکات، سەبارەت بەو هەڕەشانەی ڕووبەڕووی موسڵمانانی شیعە مەزهەب و مەرجەعیەت دەبنەوە ڕەتدەکاتەوە.

 

چیرۆکی سەرەکی: بەگوێرەی چەند ڕاپۆرتێکی نافەرمی، مەرجەعی باڵای شیعەکان لەنەجەف نامەیەکی ئاراستەی سەرکردەکانی چوارچێوەی هەماهەنگی کردووە. هۆشداریی لەبارەی جەنگێکەوە داوە هەڕەشە لە کیانی شیعە دەکات داوای یەکخستنی ڕیزەکان و بەرەنگاربوونەوەی گەندەڵی کردووە.

 

لێدوانی فەرمی:  عەباس عامری، ئەمینداری گشتیی چوارچێوەی هەماهەنگی ڕایگەیاند: "ئەو دەنگۆیانەی لە هەندێک میدیا و تۆڕە کۆمەڵایەتییەکاندا بڵاوبووەتەوە، سەبارەت بە نامەیەکی عەلی سیستانی مەرجەعی باڵای شیعەکان هیچ بنەمایەکی ڕاستی نییە و بەهەموو شێوەیەک ڕەتیدەکەینەوە.

 

لەلایەکی دیکەوە:  مەرجەعی باڵای شیعەکان لەشاری نەجەف، ساڵانێکە هیچ کۆبوونەوەیەک لەگەڵ هێزە سیاسییەکانی عێراق ناکات و لە بەیاننامەکانیدا زیاتر تیشک دەخاتە سەر پرسی نیشتمانیی و کۆمەڵایەتی.