لە سنووری سلێمانی دوو تیرۆرست دەستگیر دەکرێن

ئاڤا نیوز

لە ئۆپەراسیۆنێكی هاوبەشی بەڕێوەبەرایەتیی گشتیی دژەتیرۆر و وەزارەتی بەرگریی عێراق دوو تیرۆرست لە سنووری پارێزگای سلێمانی دەستگیر کران.

وێنە گەورەکە: هێزەکانی دژەتیرۆر بەردەوام چاودێریی جموجۆلەکانی تیرۆرستان دەکات و هەماهەنگیشی لەگەڵ هەواڵگریی عێراق هەیە، لەهەر شوێنێک هەرکەسێک فەرمانی دەستگیرکردنی هەبێت دەستگیری دەکەن.

ڕاگەیێنراوی فەرمی: دەزگای هەواڵگریی عێراق ڕایگەیاند، لە ئۆپەراسیۆنێکی هاوبەشی هێزەکانی سەر بە بەڕێوبەرایەتیی گشتیی دژەتیرۆر و شانەی ئەرکە هەواڵگرییەکانی سەر بە بەڕێوبەرایەتی گشتیی هەواڵگری و ئاسایشی وەزارەتی بەرگریی عێراق، توانرا دوو تیرۆرستی مەترسیدار لە سنوری پارێزگای سلێمانی دەستگیربکرێن.

زانیاریی زیاتر: هەردوو تیرۆرست بە ماددەی 4ـی یاسای بەرەنگاربوونەوەی تیرۆر داواکرابوون و ڕێکارە یاساییەکانیان بەرامبەر جێبەجێدەکرێت.