تەندروستیی هەولێر: دەنگۆی پێدانی نەخۆشخانەی ڕزگاری بە كەرتی تایبەت دوورە لە ڕاستی

ئاڤا نیوز

دوای بڵاوكردنەوەی دەنگۆیەكی چەواشەكاری بەوەی كە نەخۆشخانەی ڕزگاری لە شاری هەولێر دەدرێتە كەرتی تایبەت، بەڕێوەبەری تەندروستیی هەولێر ڕایدەگەیێنێت، "ئەو دەنگۆیە دوورە لە ڕاستی و ڕەتی دەكەینەوە".

چیرۆكی سەرەكی: ئێوارەی ئەمڕۆ كەناڵێك لەسەر زاری پەرلەمانتارێك، هەواڵێكی چەواشەكارانەی بڵاوكردەوە و بە بێ بەڵگە و بەبێ هیچ سەرچاوەیەكی فەرمی وەهای بڵاوكردەوە كە گوایە نەخۆشخانەی ڕزگاری دراوەتە كۆمپانیای كەرتی تایبەت.

لێدوانی فەرمی: دلۆڤان محەممەد، بەڕێوەبەری گشتیی تەندروستیی هەولێر سەر لە بەری ئەم هەواڵە چەواشەكارییە بە درۆ دەخاتەوە و ڕەتیدەكاتەوە.

ڕوونیشی دەكاتەوە، بەڵكو بەپێچەوانەوە، زیاتر لە هەشت مانگە، نەخۆشخانەی ڕزگاری لەژێر نۆژەنكردنەوەدایە و كاركردنیش تێیدا بەردەوامە.

لەلایەكی دیكەوە: تەندروستیی هەولێر هاووڵاتیان و ڕای گشتی دڵنیا دەكاتەوە لەوەی ئەو بابەتە درووستكراوە و بەهیچ شێوەیەك ڕاست نییە.