لەسەر مێزی نەتانیاهۆ سێ بژاردە سەبارەت بە شەڕی غەززە هەن

ئاڤا نیوز

دانوستانەکانی نێوان ئیسرائیل و حەماس هیچ پێشکەوتنێکیان بەخۆیەوە نەبینیووە، بەهۆی ئەمەشەوە سوپای ئیسرائیل چەند بژاردەیەک دەداتە سەرۆکوەزیرانی وڵاتەکە.
  

زانیاریی بەدەستهاتوو: لە ڕاپۆرتێکی کەناڵی ئیسرائیل 24 هاتووە کە سوپای ئیسرائیل سێ بژاردە پێشکەش بە کابینەکەی بنیامین نەتانیاهۆ، سەرۆکوەزیرانی وڵاتەکە دەکات بۆ درێژەدان بە شەڕ لە کەرتی غەززە.

ئەوەی لەبارەیەوە  دەگوترێت: سوپای ئیسرائیل ئەم سێ بژاردەیە دەخاتەڕوو: ''ڕێککەوتنی کۆتایی بریتیی دەبێت لە وەستاندنی تەواوەتی شەڕەکە ئەگەر هەردوو لایەنی حەماس و ئیسرائیل ڕێککەوتن بکەن. 

گەمارۆدانی شاری غەززە و سەنتەری کەمپەکان، گوشاری دەرەکی، فشارخستنە سەر حەماس. 

داگیرکردنی کەرتی غەززە، بە واتای  فراوانکردنی هەنگاوەکان و کە تەواوی غەززە لەخۆدەگرێت و بنکە سەربازییە سەرەکییەکانیش دەگرێتەوە، ئەمەش بە مانای هەڕەشەیەکی ڕاستەقینە بۆ سەر ژیانی بارمتەکان دێت، ئەمەش لەوانەیە بڕیارێکی سەخت بێت بۆ کابینەی ئیسرائیل''.

کاریگەری و لێکەوتەکان: هەموو ئەمانەش لەکاتێکدایە، سەرۆکی ئەمریکا و سەرۆکوەزیرانی ئیسرائیل بێهوایی خۆیان لە دانوستانەکان دەبڕیوە و دەشڵێن، ڕوونە کە حەماس نایەوێت بگاتە ڕێککەوتن.