ئەکتەرێکی ڕۆژهەڵاتی کوردستان لە شێوەی ئاڵتوون خۆی زەرد دەکات و ناوبانگێکی زۆری هەیە

ئاڤا نیوز

کوردێکی ڕۆژهەڵاتی کوردستان کە بە پیاوە ئاڵتوونییەکە ناسراوە، بەهۆی ئەوەی خۆی وەک ئاڵتوون زەرد دەکات، و ناو و نابانگێکی زۆری پەیدا کردووە.

چیرۆکی سەرەکی: سوبحان فەتحی، ئەکتەرێکی بەناوبانگی ڕۆژهەڵاتی کوردستانە و بەشداری هەموو فێستیڤاڵ و کۆڕ و کۆبوونەوەیەکی فەرهەنگی و ڕۆشنبیریی کورد دەکات. سوبحان جگە لەوەی بەرهەمەکانی وەکو ئاڵتوون وایە بۆ دنیای هونەری کوردی، خۆیشی زەرد دەکات وەکو ئاڵتوون، هەر بۆیە ناویان ناوە پیاوە ئاڵتوونییەکە.

سوبحان لە نوکی پێوە هەتا جامانەکەی و دەموچاو و سمێلیشی زەرد دەکات، لە دوورەوە ئەگەر سەییری بکەی، نازانی کە ئەوە مرۆڤە و وەکو  پەیکەر خۆی دەنوێنێت. هەر وەک خۆی دەڵێت، کاتێک دەچێتە شوێنێک، زۆر ڕای دەگرن و خەڵک وێنەی لەگەڵ دەگرن.

ئەوەش بزانە: ئێستا سوبحان بووەتە سیمبول و پەیكەرێك لە شاری سنەی ڕژۆژهەڵاتی کوردستان.