کۆمسیۆنی هەڵبژاردنەکان: هیچ کاندیدێک لە پارێزگاکانی هەرێمی کوردستان دوورنەخراوەتەوە

ئاڤا نیوز

ئامادەکارییەکانی کۆمسیۆنی هەڵبژاردنەکانی عێراق بەمەبەستی سەرپەرشتیکردنی هەڵبژاردنی خولی شەشەمی پەرلەمان بەردەوامە، ئێستا وردبینی لە ناو و زانیاریی کاندیدەکان دەکرێت و نزیکەی 50 کاندید دوورخراونەتەوە.

وێنە گەورەکە: بڕیارە 11 تشرینی دووەمی ئەمساڵ هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت، بۆ ئەم مەبەستە کۆمیسیۆن بەپێی خشتەی ئامادەکارییەکانی هەڵبژاردن، دەستی بە جێبەجێکردنی ڕێککار و ئامادەکارییەکان کردووە.

لێدوانی فەرمی: د.عیماد جەمیل، سەرۆکی تیمی ڕاگەیاندنی ئەنجوومەنی کۆمسیاران بە ئاڤای گوت، "تاوەکو ئێستا 47 کاندید لە بەشداریکردنی پرۆسەی هەڵبژاردنی پەرلەمانی عێراق دوورخراونەتەوە، هیچ کاندیدێک لە پارێزگاکانی هەرێمی کوردستان دوورنەخراوەتەوە."

ئەمەش بزانە: بەگوێرەی دوایین ئامارەکانی کۆمیسیۆن، نۆ هەزار و 726 کەس خۆیان کاندید کردووە، زیاتر لە 21 ملیۆن کەسیش مافی دەنگدانیان هەیە.