لە کۆیە ژیانی کەسێک ڕزگار کرا کە دڵی لە لێدان وەستابوو

ئاڤا نیوز

لە نەخۆشخانەی فێرکاری شەهید د. خالید ژیانی هاوڵاتییەک ڕزگارکرا کە دڵی لە لێدان وەستابوو، دواتر بە سەلامەتی گەیێنرایە هەولێر.

چیرۆکی سەرەکی: دوێنێ شەو کاتژمێر 12ی شەو، لە بەشی فریاکەوتنی نەخۆشخانەی فێرکاری شەهید د. خالید لە کۆیە،  نەخۆشێک سەردانی ئەو بەشە دەکات دوای پشکنین دەردەکەوێت کە توشبووە بە جەڵتەی دڵ و چارەسەری پێویستی بۆ دەکرێت، بڕیار دەدرێ ڕەوانەی سەنتەری دڵ لە هەولێر بکرێت، بەڵام بەر لەوەی بکرێتە ناو ئەمبۆڵانس دۆخی تەندروستی تێکدەچێت و دڵی لە کار دەکەوێت، ڕاستەوخۆ لەلایەن تیمی فریاكەوتنی نەخۆشخانەكە CPR لەڕێگەی لێدانی کارەبا، دڵی دەست دەکاتەوە بە لێدان.

لێدوانی فەرمی: هاوکار عەلی، بەڕێوەبەری ڕاگەیاندنی تەندروستیی کۆیە بە ئاڤای گوت: ئەو نەخۆشە دڵی لە لێدان وەستابوو، بەڵام بە هەوڵی تیمی فریاكەوتنی نەخۆشخانە CPR لەڕێگەی لێدانی کارەبا، دڵی نەخۆشەکە دەست دەکاتەوە بە لێدان، دواتر بە سەلامەتی ڕەوانەی هەولێر کرا.