پلاندانانی عێراق بۆ ئاڤا: کەمترین ڕێژەی هەژاری لە هەولێرە

ئاڤا نیوز

 

وەزارەتی پلاندانانی عێراق بە ئاڤا میدیای ڕاگەیاند، بەگوێرەی ڕاپۆرتی هەژاری لە عێراق  و کوردستان کە ئەمڕۆ چوارشەممە بڵاوکرایەوە، لەڕووی کەمی هەژارییەوە هەولێر یەکەم پارێزگای عێراقە و تەنیا 5.9%ی خەڵکی پارێزگاکە هەژارن، لەکاتێکدا 43.6%ی خەڵکی پارێزگای مووسەننا لە باشووری وڵات، لە خوار هێڵی هەژارییەوەن.

 

وێنە گەورەکە: ئەمڕۆ وەزارەتی پلاندانانی عێراق ڕاپۆرتی تایبەت بە هەژاریی فرەڕەهەندی بڵاوکردەوە، بەگوێرەی ڕاپۆرتەکەش ساڵی 2018 ڕێژەی هەژاری فرەڕەهەند 11.4% بووە، بەڵام ساڵی ڕابردوو ڕێژەکە بۆ 10.8% دابەزیووە، ڕێژەی هەژاریش لەسەر بنەمای ماددی لە وڵاتدا 17.5%ە.

 

لێدوانی فەرمی: عەبدولزەهرە هینداوی، وتەبێژی وەزارەتی پلاندانانی عێراق بە ئاڤا میدیای ڕاگەیاند، بەگوێرەی ڕاپۆرتەکە، لەڕووی کەمی هەژارییەوە پارێزگای هەولێر باشترین پارێزگای عێراقە، دوای ئەویش هەریەکە لە پارێزگاکانی سلێمانی، کەرکووک، بەغدا، زیقار و دهۆک دێن.

 

وتەبێژی وەزارەتی پلاندانانی عێراق وتیشی، کەمترین ڕێژەی هەژاری لە پارێزگاکان بەم شێوەیەیە لە کەمترینەوە بۆ زۆرترین ( بۆ ساڵی 2024):

-هەولێر 5.9%.
-سلێمانی 7.9%.
-کەرکووک 9.5%.
-بەغدا 13.5%. 
-زیقار 14.2%.
-دهۆک 14.8%.
-میسان 16.3%.
-نەینەوا 16.5%.
-دیالە 17.2%.
-سەڵاحەددین 18.7%.
-واست 19.3%.
-کەربەلا 19.9%.
-ئەنبار 20.9%.
-نەجەف 25.2%.
-بەسڕە 27.9% .
-دیوانیە (قادسیە) 28.9%.
-بابل 34.4%.
-موسەننا 43.6%.