تەرمێكی نەناسراو لە ئاوی زێی گەورە دەدۆزرێتەوە

ئاڤا نیوز

تەرمێك لە نزیك پردی نوێی قەزای خەبات لەنێو ئاوی زێی گەورە دەدۆزرێتەوە، بەرگریی شارستانیی هەولێریش دەڵێت، تەرمەكە هیچ جۆرە ناسنامەیەكی نییە و نەناسراوە.

چیرۆكی سەرەكی: ئەمڕۆ پێنجشەممە 31ـی تەمموز، بەڕێوەبەرایەتیی بەرگریی شارستانیی هەولێر لەلایەن بنكەی پۆلیسی خەبات لە بوونی تەرمێكی سەرئاوكەوتوو ئاگادار دەكرێتەوە كە لەنزیك پردی نوێی خەبات بینراوە.

ڕاگەیێنراوی فەرمی: بەڕێوەبەرایەتیی بەرگریی شارستانیی هەولێر، لە ڕاگەیێنراوێكدا ئاماژەی بەوە كردووە، دوای ئاگاداركردنەوەیان بە بوونی تەرمەكە، دەستبەجێ تیمەكانی ڕزگاركردنی جێگیری سەر بە بەڕێوەبەرایەتییەكە گەیشتوونەتە شوێنی ڕووداوەكە و تەرمەكەیان دەرهێناوە.

دوای دەرهێنانی تەرمەكە لە ئاوی زێی گەورە، ڕەوانەی پزیشكی دادی هەولێر كراوە بۆ شیكاریی جەستەیی.

پێدراوە ڕاستییەكان: تەرمەكە لە ڕەگەزی نێرە، تەمەنی لەنێوان 24 بۆ 25 ساڵە، بەڵام هیچ جۆرە ناسنامە و پێناسێك لەنێو گیرفانەكانی جلوبەرگی نەبووە و تەرمەكە نەناسراوە.