عێراق گەرمترین وڵاتی جیهانە و بەسرەش پێشەنگی شارەکانە لە گەرمیدا

ئاڤا نیوز

 

بەپێی ناوەندی کالیفۆرنیا بۆ چاودێریی کەشوهەوا، عێراق گەرمترین وڵاتە لەسەر ئاستی جیهان،  پلەکانی گەرماش لە پێنج ناوچەی عێراق نیوەی کوڵانی تێپەڕاندووە.

 

وێنە گەورەکە: لە هاویندا پلەی گەرما لە ناچەکانی باشووری عێراق دەگاتە ئاستی نیوەی کوڵان و بەپێی ڕاپۆرتێکی نێودەوڵەتی ڕێکخراوی کالیفۆرنیا بۆ چاودێریی کەشوهەوا، ڕۆژی هەینی 2025-08-1، فڕۆکەخانەی نێودەوڵەتیی بەسرە وەک گەرمترین ناوچەی جیهان دەستنیشان کراوە و پێشەنگی لیستی ئەو ناوچانەی وەرگرتووە کە بەرزترین پلەی گەرمایان تێدا تۆمار کراوە.

 

ڕاگەیێنراوی فەرمی: بەپێی ڕاپۆرتەکە، فڕۆکەخانەی بەسرە گەرمترین ناوچەی جیهان بووە و پلەی گەرمی گەیشتووەتە 50.5 پلەی سیلیزی، جگە لە بەسرە، پێنج ناوچەی دیکەی عێراقیش لەنێو لیستی گەرمترین ناوچەکانی جیهاندان (فاو 49.5, عەممارە 49.2، ، بەدرە 48.8 و عەلی غەربی 48.1) پلەی سیلیزی  بوون.

 

لەلایەکی دیکەوە: دەستەی کەشناسیی عێراق پێشبینی دەکات لە ڕۆژانی داهاتوودا پلەکانی گەرما دابەزێت.