سوودانی: بێجی دەبێتە شارێکی پیشەسازیی نەوتیی پێشکەوتوو

ئاڤا نیوز

سەرۆکوەزیرانی عێراق، ئاشکرای کرد، لە داهاتوویەکی نزیکدا شاری بێجی دەبێتە یەکێک لە گرنگترین ناوەندی نەوتی و پیشەسازیی و پایەکی سەرەکیی ئابووریی عێراق. 

چیرۆکی سەرەکی: بەیانی ئەمڕۆ شەممە 2-8-2025 محەممەد شیاع سوودانی، سەرۆکوەزیرانی عێراق سەردانی پارێزگای سەڵاحەددینی کرد و پڕۆژەی پاڵاوگەی ڕۆنی بێجی وێستگەی بەرهەمهێنانی کارەبای تایبەت بە پاڵاوگەی باکووری کردەوە .

لێدوانی فەرمی: سوودانی لە وتارێکدا، ڕایگەیاند: پاڵاوگەی ڕۆنی بێجی یەکێکە لەو دامەزراوە پیشەسازییە گرنگانەی توانای بەرهەمهێنانی هەموو جۆرەکانی ڕۆنی پیشەسازی و قیری هەیە.

- بڕی بەرهەمهێنانی ڕۆن لەپاڵاوگەی بێجی ساڵانە دەگاتە 250 هەزار تۆن و 600 هەزار تۆن تێدەپەڕێنێت.
 

- جیاوازییەکی گەورە هەیە بەراورد بە یەکەم سەردانم، چ لەڕووی کردنەوەی پاڵاوگەکانەوە بێت یان دەستپێکردنی کاری جێبەجێکردن لە یەکە نوێیەکاندا، کە بە هیمەتی کارمەندانی کۆمپانیای نەوتی باکوور بەڕێوەدەچێت.

- بێجی دەبێتە شارێکی پیشەسازیی نەوتیی پێشکەتوو، هاوکات دەبێتە یەکێک لە پایەکانی کەرتی پیشەسازیی نەوتی لە عێراقدا.

ئەمەش بزانە: پاڵاوگەی ڕۆنی بێجی سەر بە کۆمپانیای پاڵاوگەی باکوورە و دوای ئەوەی هەموو یەکە بەرهەمهێنەرەکانی بەهۆی کردەوەی تیرۆرستییەوە زیانیان پێگەیشتبوو، نۆژەنکرانەوە.