وەزارەتی کشتووکاڵ ڕوونکردنەوە لەبارەی بڵاوبوونەوەی نەخۆشی تەبەقە دەدات

ئاڤا نیوز


لە چەند ناوچەیەکی هەرێمی کوردستان، ئاژەڵان تووشی نەخۆشییەک هاتوون کە بە تەبەقە ناسراوە، وەزارەتی کشتووکاڵیش دەڵێت: نەخۆشییەکە بەربڵاو نییە و نەگەیشتووەتە دۆخێکی مەترسیدار. 

چیرۆکی سەرەکی: تەبەقە نەخۆشییەکە کە لەناو ئاژەڵان دەگوازرێتەوە و لە ئێستادا لە چەند ناوچەیەکی دەورووبەر و هەرێمی کوردستانیش تۆمار کراوە، بەمەبەستی پێشگیریش لە خێرا بڵابوونەوەی ئاژەڵان پێویستییان بە وەرگرتنی دەرمانە. 

لێدوانی فەرمی: فیراس سدیق، بەڕێوەبەری سامانی ئاژەڵی هەرێمی کوردستان بە ئاڤای گوت: بڵاوبوونەوەی ئەو نەخۆشییە لە ئاستێکی ئاساییە و لە دۆخێکی مەترسیدار نییە، بەراورد بە ساڵانی پێشووتر حاڵەتی ئەو نەخۆشییە زۆر کەمترە.

زانیاریی زیاتر: لە هەر وڵاتێک ئەو نەخۆشییە لەنێو ئاژەڵان بڵاوبووبێتەوە، ڕێگە ناردێت ئاژەڵی لێوەی هەناردەی شارەکانی کوردستان بکرێت، بەر لە هاوردەکردنیش 21 ڕۆژ کەرەنتین دەکرێن و پشکنینی پزیشکیان بۆ دەکرێت، لەگەڵ داخڵبوونیان جارێکی دیکە سێ ڕۆژ چاوەدێری دەکرێن دواتر ڕێگە بە فرۆشتنیان دەدەرێت. 

گۆشەیەکی دیکەی دیمەنەکە: دوای بڵابوونەوەی تای خوێنبەربوون لە تورکیا، بڕیاردرا بازاڕی ئاژەڵان لەو وڵاتە قەدەغە بکرێت، حکومەتی عێراقیش بڕیاریدا بە هاوردەکردنی ئاژەڵ لەو وڵاتە قەدەغە بکات. 

کاریگەری و لێکەوتەکان: تەبەقە نەخۆشییەکی ڤایرۆسییە و تووشی 'مەڕ، بزن، ڕەشە وڵاخ، دەبێت و بەخێرایی بڵاودەبێتەوە و پەلەکانیان بریندار دەبێت و زۆرجاریش دەبێتە هۆی مردار بوونەوەیان.