سەرۆک بارزانی بۆ یادی 20ی ساڵەی دەزگای خێرخوازی بارزانی؛ جێگەی شانازین

ئاڤا نیوز

لە ساڵیادی دامەزراندنی دەزگای خێرخوازی بارزانی دا، سەرۆک بارزانی پەیامێکی پیرۆزبایی بڵاودەکاتەوە دەڵێت 'جێگەی شانازین'.

وێنە گەورەکە: لە ساڵی 2005 لە شاری هەولێر، دەزگای خێرخوازیی بارزانی لەژێر دروشمی 'شانازییە بۆ مرۆڤ خزمەتی میللەتی خۆی بکات' دامەزراوە، بارەگای بارزانی پەیامی پیرۆزبایی سەرۆک بارزانی لەوبارەیەوە بڵاوکردەوە.

پەیامی فەرمی: سەرۆک بارزانی ڕایگەیاند: بەبۆنەی 20مین ساڵیادی دامەزراندنی دەزگای خێرخوازی بارزانی، پیرۆزبایی خۆم ئاراستەی سەرۆک و بەڕێوەبەران و کارمەندانی دەزگای خێرخوازی بارزانی دەکەم.

لە پەیامەکەیدا هاتووە، پێزانینم بۆ ڕۆڵی مرۆڤ دۆستانە و خێرخوازانەی ئەم دەزگایە هەیە، بەتایبەت لە بەهاناوەچوونی ئاوارە و لێقەوماوان، یارمەتیدانی نەخۆش، بێسەرپەرەشتان، خەڵکی هەژار و کەمدرامەت.

سەبارەت بە ڕۆڵی ستافی دەگای خێرخوازی بارزانی، سەرۆک بارزانی ئاماژەی بەوە داوە، 'ئەرک و کاری خۆیان بە شێوەیەکی شایستە ئەنجامداوە و جێگەی شانازین'.

هاوکات سەرۆک بارزانی لە پەیامەکەیدا دەڵێت: دەستخۆشی و سوپاسیان دەکەم، هیوای سەرکەوتن و بەردەوامیان بۆ دەخوازم.