لە 20 شاری ئەورووپا ساڵیادی جینۆسایدی كوردانی ئێزدی بەرز ڕاگیرا

ئاڤا نیوز

لە یازدەیەمین ساڵیادی هێرشی چەكدارانی ڕێكخراوی تیرۆریستیی داعش بۆ سەر شنگال و جینۆسادی كوردانی ئێزدیدا، كۆنفیدراسیۆنی ڕەوەندی كوردستانی، لە 20 شاری ئەورووپا ڕێوڕەسمیان ڕێكخست.

زانیاریی بەدەستهاتوو: ڕۆژی یەكشەممە 3-8-2025، كە هاوكاتە لەگەڵ ساڵیادی جینۆسایدی كوردانی ئێزدی، فیدراسیۆنی ڕەوەندی كوردستانی لە شارەكانی، بەرلین، برۆكسل، ئەمستردام، ناشفێل، ئۆسلۆ، تەڤلیس، ڤیەنا، ستۆكهۆڵم، ستاڤراپۆل، بیشكەك، ئەلماتا، زیوریخ، هلسینگبۆرك، مۆنتۆبان، ڤانكۆڤەر، كاس، برێمن، ڤۆلسبۆرگ، دۆسڵدۆرف و مۆنستەر ڕێوڕەسم و چالاكیی ڕێكخست، بە هۆی ئەوەی چالاكییەكان سەرجەمیان لە شوێنە گشتییەكان بازاڕەكان بوون دەنگدانەوەی زۆریان لێ كەوتەوە.

ڕاگەیێنراوی فەرمی: كۆنفیدراسیۆنی ڕەوەندی كوردستان ڕایگەیاند: هەموو هێز و توانای خۆمان دەخەینە گەڕ بۆ زیاتر ناساندنی جینۆسایدی كوردان بە كۆمەڵگەی نێودەوڵەتی.

- پێویستە ڕێككەوتنی نێوان هەردوو حكومەتی هەرێمی كوردستان و عێراق جێبەجێ بكرێت بۆ ئەوەی دۆخی شنگال و دەوروبەری ئاسایی ببێتەوە ئاوارەكان بگەڕێنەوە  دەڤەرەكانی خۆیان.