فایلی خەڵک؛ دانیشتووانی گوندی دۆڵەتێسووی خەلیفان ئينتەرنێت و تۆڕی مۆبایلیان نییه‌

ئاڤا نیوز

دانیشتووانی گوندی دۆڵە تێسوو لە سنووری قەزای خەلیفان گلەیی لە نەبوونی ئەنتەرنێت و شەبەکەی مۆبایل دەکەن، داوایان لە ئاڤا کردووە بەدواداچوونیان بۆ بکات. 

چیرۆکی سەرەکی: دانیشتوانی ئەو گوندەی خەلیفان لە داوایان ئاڤا کردووە تاوەکو بەدواداچوونیان بۆ بکات لەسەر چارەسەری ئەو کێشەیە، ئاڤا بۆ ئەو مەبەستە پەیوەندی بە لایەنە پەیوەندیدارەکانەوە کرد. 

لێدوانی فەرمی: دیلان ڕەشاد، وتەبێژی وەزارەتی گواستنەوە و گەیاندنی حکومەتی هەرێمی کوردستان، بە ئاڤا میدیای ڕاگەیاند: بەشی وەرگرتنی سکاڵامان هەیە، پێویستە داواکارییەک بۆ خزمەتگوزاری ئەنتەرنێت و پەیوەندی بەم شێوەیە بنووسن، ناونیشانی قەزا و ناحییە و گوند، لەگەڵ واژۆی دانیشتوان و ژمارەی پەیوەندییەکانیان، دواتر بۆ وەزارەتی گواستنەوە و گەیاندنی بهێنن.

ئێمە داواکارییەکەیان بە کۆمپانیای پەیوەندیدار دەدەین، دواتر تیمی تەکنیکی سەردانی ئەو شوێنە دەکەن، کە کێشەی ئەنتەرنێت و پەیوەندی هەیە، دوای هەڵسەنگاندن ئەگەر کێشە هەبێت 100٪ چارەسەر دەکرێت.