لە دوو مانگی داهاتوودا کارەبای 24 کاتژمێری دەگاتە تەواوی زاخۆ

ئاڤا نیوز

پڕۆژەی ڕووناکی لە فراوانبووندایە و دوو مانگی داهاتوو تەواوی سنووری ئیدارەی سەربەخۆی زاخۆ دەبێتە خاوەنی کارەبای 24 کاتژمێری.

وێنە گەورەکە: پڕۆژەی ڕووناکی یەکێکە لە پڕۆژە ستراتیژییەکانی حکومەتی هەرێمی کوردستان، پرۆژەکە ڕۆژی 2024-07-25 دەستیپێکرد، ڕۆژی 2024-10-17 سەرۆکوەزیران مەسرور بارزانی، لە گەڕەکی شادی هەولێر پڕۆژەکەی ڕاگەیاند، ئێستا نزیکەی سێ ملیۆن کەس لە کوردستان بوونەتە خاوەنی کارەبای 24 کاتژمێری، ئامانجەکە ئەوەیە تا ساڵی 2026 کارەبای تەواوی کوردستان ببێتە 24 کاتژمێری.

 

پەیامی فەرمی: عەزیز ئەحمەد، جێگری بەڕێوەبەری نووسینگەی سەرۆکوەزیران مەسرور بارزانی لە ئێکس ڕایگەیاند: تا مانگی 10ـی ئەمساڵ، کارەبای 24 کاتژمێری دەگاتە تەواوی ئیدارەی زاخۆ، بەمەش کارەبا بڕان و سرکێت هەڵدانەوە نامێنن، کارەبایەکی بەردەوام و بە نرخێکی گونجاو، کە دەبوو چەندین ساڵ بەر لە ئێستا دابین بکرایە، ئێستا بەردەست دەبێت.

لەلایەکی دیکەوە: زاخۆ یەکێک لە سەرنجراکێشترین ناوچەکانی کوردستانە، 341 پڕۆژەی جیاواز لە سنووری ئیدارەکە هەیە، لەو ژمارەیە 315 پڕۆژەیان بە تەواوی جێبەجێ کراون، 26 پرۆژەی دیکەش لە قۆناغی جێبەجێکردندان، 293 پرۆژەیان لە قەزای ناوەندیی زاخۆ و 48 پرۆژەش لە قەزای "باتیفا"ـن.

باکگراوند: لەسەر ڕاسپاردەی سەرۆکوەزیران مەسرور بارزانی، لە ڕیککەوتی 20-9-2021، لە ڕێوڕەسمێکدا ئیدارەی سەربەخۆی زاخۆ ڕاگەیێنرا.