دەم پارتی ڕەخنە لە ناوی پرۆسەی "تورکیایەکی بێ تیرۆر" دەگرێت

ئاڤا نیوز

گوڵستان کلچ کۆچیغیت، بریکاری سەرۆکی فراکسیۆنی دەم پارتی لە پەرلەمانی تورکیا، ڕەخنەی لە ناوی پرۆسەی "تورکیایەکی بێ تیرۆر" دەگرێت و دەڵێت: پێمانوایە پێویستە ناوی کۆميسیۆنەکە ناوێک بێت خزمەت بە چارەسەری دیموکراسییانەی کێشەی کورد و ئاشتیی کۆمەڵایەتیی لە تورکیا بکات.

چیرۆکی سەرەکی: فراکسیۆنی دەم پارتی لە پەرلەمانی تورکیا، سەبارەت بە مشتومڕەکان لە بارەی ناوی ئەو کۆميسیۆنەی کە کار بۆ پرۆسەی ئاشتیی دەکات و ناوی لێنراوە" تورکیایەکی بێ تیرۆر" ئەمڕۆ یەکەم کۆبوونەوەی ئەنجام دەدات، ڕایگەیاند: "پێمانوایە پێویستە ناوی کۆميسیۆنەکە ناوێک بێت خزمەت بە چارەسەری دیموکراسییانەی کێشەی کورد و ئاشتیی کۆمەڵایەتیی لە تورکیا بکات".

لێدوانی فەرمی: کڵچ لە لە کۆنگرەیەکی ڕۆژنامەوانی لە بارەگای پەرلەمان لە بارەی ناوی کۆمسیۆنەکە گوتی: پێویستە ناوی کۆميسیۆنەکە ناوێک بێت خزمەت بە چارەسەری دیموکراسییانەی کێشەی کورد و ئاشتیی کۆمەڵایەتیی لە تورکیا بکات.

-ئێمە بە دروستی نازانین ئەم پڕۆسەیە لە ڕێگەی تیرۆرەوە پێناسە بکرێت و قبوڵی ناکەین.

- با جەخت لەسەر ئەوە بکەینەوە کە پێویستە بە خێرایی ئەو زمانەی دیموکراسیی و ئاشتیی و چارەسەری دیموکراتییانەی کێشەی کورد دەگرێتەوە، دابنرێت. 

چاوەڕوانکراوەکان: بڕیار وایە لە یەکەم کۆبوونەوەی پەرلەمان کە 5-8-2025 دەکرێت، مشتومڕێک سەبارەت بە ناوی کۆمیسیۆنەکە، سیستمی کارکردنی کۆمسیۆنەکە و وردەکاریی ناوەڕۆکی کارنامەی کۆمسیۆنەکە بکرێت.
 
هەنگاوی داهاتوو: دوای کۆبوونەوەی کۆميسیۆنەکە، سەرۆکی پەرلەمان ڕاگەیێندراوێکی بۆ ڕای گشتیی دەبێت لە بارەی ماوە، میکانیزمی کار، بنەماکانی کارکردن و ناوی کۆمیسیۆنەکە.