حکومەتی هەرێمی کوردستان لەبارەی مووچەی کرێکاری ناکارامە بڕیاری دا

ئاڤا نیوز

 

حکومەتی هەرێمی کوردستان بڕیارێکی لە بەرژەوەندیی کرێکاران دەکرد و بەجۆرێک کەمترین مووچەی 'کرێکارانی ناکارامە' نابێت لە 450 هەزار دینار کەمتر بێت.

 

وێنە گەورەکە: حکومەتی هەرێمی کوردستان لە کابینەی نۆیەمدا هاوتەریب لەگەڵ هەوڵەکانی بۆ ڕەخساندنی هەلی کاری زیاتر، کاری لەسەر داکۆکی کردن و پارێزگاریکردن لە ماف و شایستەکانی کرێکاران و سەلامەتی شوێن و ژینگەی کارکردنیان کردووە.

 

ڕاگەیێنراوی فەرمی: وەزارەتی کار و کاروباری کۆمەڵایەتیی هەرێمی کوردستان بڵاوی کردەوە، نووسینگەی سەرۆکوەزیران ڕەزامەندی لەسەر کۆنووسی لێژنەی کەمترین کرێی کرێکاری ناکارامە دا، پێی ئەم بڕیارە لانیکەمی کرێی مانگانەی کرێکارای ناکارامە، نابێت لە 450 هەزار دینار کەمتر بێت.

 

ئەوەی پێویستە بیزانیت: هەر لە بڕیارەکەدا هاتووە ئەو کرێکارانەی بە کرێی کاری رۆژانە کار دەکەن نابێت کرێی ڕۆژانەیان لە 15 هەزار دینار کەمتر بێت، بە شێوەیەک بڕی مووچەی مانگانەیان لە کەمترین کرێی کرێکاری ناکارامە کەمتر نەبێت.

 

ئەوەی پێویستە بیزانیت: کرێکاری ناکارامە دەستەواژەیەکی یاساییە بۆ ئەو کرێکارانەی هیچ پسپۆڕی و بڕوانامەیەکیان نییە و یەکەم جاریانە کارێک دەکەن.