سوودانی بڕیارێکی لەبارەی مووچە دەرکرد

ئاڤا نیوز

 

محەمممەد شیاع سوودانی، سەرۆکوەزیرانی عێراق بڕیاری دا کاری لیژنە هاوبەشەکان بۆ چارەسەری کێشە داراییەکانی نێوان هەولێر و بەغدا، بۆ یەک هەفتەی دیکە درێژبکرێتەوە.

 

وێنە گەورەکە: بەمەبەستی چارەسەرکردنی کێشەکانی نێوانیان و جێبەجێکردنی ڕێککەوتنەکەی 17ی تەممووز، هەولێر و بەغدا چوار لیژنەیان پێکهێناوە و بڕیاریش بوو یەکشەممەی ڕابردوو کاری لیژنەکان تەواو بکرێت، بەڵام بەهۆی جیاوازی تێڕوانینی هەردوولا بۆ داهاتە نەوتیی و نانەوتییەکان لیژنەکەیان داوای درێژکردنەوەی کارەکانیان کردبوو.

 

زانیاریی لە پەیامنێرەوە: سەرچاوەیەکی حکومەتی عێراق بە دەروون مەلا ناجی، پەیامنێری ئاڤا لە بەغدای ڕاگەیاند، کۆبوونەوەکانی هەر چوار لیژنەکەی نێوان هەولێر بەغدا تایبەت بە "نەوت، داهاتی نانەوتی، تەرازووی پێداچوونەوەو بەبانکیکردنی مووچە" بەردەوام دەبن و محەممەد شیاع سوودانی لە کۆبوونەوەی ئەنجوومەنی وەزیرانی عێراق کە ئەمڕۆ بەڕێوەچوو بڕیاری دا یەک هەفتەی دیکە ماوەی کارەکانیان درێژبکرێتەوە.

 

هەنگاوی داهاتوو: ڕاپۆرتی لیژنەکان ئەگەر هەفتەی داهاتوو تەواو بکرێن، دەدرێنە لایەنە پەیوەندیدارەکان و لە کۆبوونەوەی داهاتووی ئەنجوومەنی وەزیرانی عێراقدا گفتوگۆیان لەسەر دەکرێت و بڕیاری پێویستییان لەسەر دەدرێت.