پێشمەرگەیەک لە هەڵەبجە بەهۆی تەزووی کارەباوە گیانی لەدەست دا

ئاڤا نیوز

 

ئێوارەی ئەمڕۆ سێشەممە، 5ـی ئابی 2025، پێشمەرگەیەک لە کاتی کارکردندا لە باخەکەی خۆیدا بەهۆی شۆرتی کارەباوە گیانی لەدەست دا.

لێدوانی فەرمی: ڕائید ئاکام قوتبەدین، وتەبێژی بەڕێوەبەرایەتیی پۆلیسی پارێزگای هەڵەبجە، لە ڕاگەیێندراوێکدا ناسنامەی قوربانییەکەی ئاشکرا کرد کە ناوی بە "سەرتیپ مەحموود عەلی" تەمەن 38 ساڵە و پیشەی پێشمەرگە بووە.

بەپێی زانیارییەکانی پۆلیس، ڕووداوەکە کاتژمێر نۆی شەو لە نزیک بازگەی زەمەقی ڕوویداوە. ناوبراو لەنێو باخەکەی خۆیدا سەرقاڵی پاککردنەوەی حەوزێکی ئاو بووە بە ئامێری کارەبایی غەسل، کە بەهۆی تەزووی کارەباوە گیانی لەدەست داوە.

ئەوەی پێویستە بیزانیت: وتەبێژی پۆلیسی هەڵەبجە ئاماژەی بەوەشکرد کە لەلایەن بنکەی پۆلیسی سیروانەوە پەڕاوی لێکۆڵینەوە بۆ ڕووداوەکە ڕێکخراوە و لێکۆڵینەوەی وردتر لەوبارەیەوە بەردەوامە.