بارەگای بارزانی ئیدانەی بێڕێزیکردن بە میری ئێزدیان دەکات

ئاڤا نیوز

 

بارەگای  بارزانی ئەمڕۆ سێشەممە، 5ی ئابی 2025، لە ڕاگەیێنراوێکی فەرمیدا بە توندی ئیدانەی ئەو بێڕێزییەی کرد کە لە شاری بەرلینی ئەڵمانیا بەرامبەر بە میر حازم تەحسین بەگ، میری ئێزدیان لە کوردستان و جیهان، کرابوو.

 

وێنە گەورەکە: لە گرتە ڤیدیۆییەکدا کە لە تۆرە کۆمەڵاییەتییەکان بڵاو کراوەتەوە، لە شاری بەرلینی پایتەختی ئەڵمانیا وەک دەردەکەوێت کەسێک هێرش دەکاتە سەر میر حازم تەحسین بەگ، میری ئێزدیان و قسەی نەشیاوی بەرامبەر بەکاردەهێنێت.

ڕاگەییێنراوی فەرمی: لە ڕاگەیێنراوەکەی بارەگای بارزانیدا هاتووە: "زۆر بە توندی ئیدانەی ئەو بێڕێزییە دەکەین کە لەلایەن کەسێکی نەزانی ئێزیدی لە شاری بەرلین کراوەتە سەر بەڕێز میر حازم تەحسین بەگ، میری ئێزیدیان لە کوردستان و جیهان و سەرۆکی جڤاتا ڕۆحانی ئێزدیان.

بارەگای بارزانی جەختی لەوە کردووەتەوە کە "ئەم جۆرە ڕەفتارە مەبەستی خەراپەکارانەی لە پشتە و بە هیچ شێوەیەک قبوڵکراو نییە."

 

ئەوەی پێویستە بیزانیت: بارەگای بارزانی پشتیووانی خۆی بۆ میر حازم تەحسین بەگ دووپات کردەوە و ڕایگەیاند: "هەموو هەوڵێکیش بۆ دروستکردنی دووبەرەکی لەناو ئێزیدیان و سوکایەتیکردن بە پیرۆزییەکانیان ڕەت دەکەینەوە."