کارکردن لەڕێگای هەولێر - خەبات دەستپێدەکاتەوە

ئاڤا نیوز

نۆژەنکردنەوە ڕێگەی هەولێر - خەبات کە ماوەیەک بوو کارکردن تێیدا ڕاوەستا بوو، ئەمڕۆ کارەکانی دەستپێدەکاتەوە، بە تەواوبوونی ڕێگاکە گرفتی هاوتووچۆ لەو ڕێگایە چارەسەر دەبێت.

وێنە گەورەکە: جووتسایدی هەولێر - خەبات، ڕێگایەکی سەرەکیی نێوان هەولێر - خەبات و مووسڵە، هەروەها هاتووچۆیەکی زۆری بازرگانی لەسەرە، لە ڕابردوودا بەهۆی خراپی ڕێگاکەوە چەندین ڕووداوی نەخوازراو ڕوویانداوە. 

لێدوانی فەرمی: کوێستان ئەحمەد، قایمقامی قەزای خەبات بە ئاڤا میدیای ڕاگەیاند، بەهۆی خەرجنەکردنی پارە، بەڵێندەرەکە کارەکانی لە ڕێگای هەولێر- خەبات ڕاگرتبوو، ئێستا بڕیاری خەرجکردنی پارەی بۆ دراوە و دەست بەکارەکانی دەکاتەوە.

سەبارەت بە کێشەی ئاو لە سنووری قەزاکە، قایمقامی قەزای خەبات دەڵێت، کێشەی کەمی ئاو لە خەبات بەهۆی کەمی کارەباوە بووە، بە گەیشتنی پرۆژەی ڕووناکی گرفتی کارەبا و ئاو لە خەبات کۆتایی دێت، بڕیارە لە مانگی داهاتوو پرۆژەی ڕووناکی بگاتە قەزای خەبات و بە تەواوبوونی کارەبای 24 کاتژمێری بۆ سنووری قەزای خەبات دابین دەکرێت.

ئەوەی پێویستە بیزانیت: کارەبای کانی قرژاڵەی سەر بە ناحییەی ڕزگاری لە سنووری قەزای خەبات، ماوەی چوار ڕۆژە بووەتە 24 کاتژمێری، هاوکات ناحیەی کەورگۆسک و قەزای خەبات ڕووپێوی کراون، بڕیارە لەسەرەتای مانگی نۆوە دەستبەکارەکان بکرێت، تاوەکو کارەبای 24 کاتژمێری بگاتە سەنتەری قەزای خەبات.