37 ساڵ بەسەر وەستانی ئەو جەنگە تێدەپەڕێت كە ماڵوێرانیی بۆ عێراقییەكان هێنا

ئاڤا نیوز

ئەمڕۆ، 37 ساڵ بەسەر ڕاگرتنی جەنگی عێراق و ئێراندا تێدەپەڕێت، ئەو جەنگەی بووە هۆی کوژران و برینداربوون و ونبوونی ژمارەیەکی زۆر سەرباز و هاووڵاتیی سڤیل لەهەردوو بەرە، جگە لەو ماڵوێرانی و نەهامەتییەی تاوەکو ئیستا گەلی عێراق باجەکەی دەدات.

وێنە گەورەکە: جەنگی نێوان عێراق و ئێران کە لە 22ـی ئەیلولی ساڵی 1980 دەستیپێکرد بە درێژترین جەنگی سەدەی بیستەم و یەکێک لە خوێناویترین و پڕتێچووترین ململانێکان دادەنرێت لە ڕووی ئابووری و مرۆییەوە.

هۆكاره‌ زانراوه‌كان: هۆکاری هەڵگیرسانی جەنگەکە بەهۆی ناکۆکی بوو لەسەر سەپاندنی سەروەری بەسەر هەردوو بەری شەتولعەرەبدا، کە بەپێی ڕێککەوتننامەی جەزائیری ساڵی 1975، لە نێوان هەردوو وڵاتدا دابەشکرابوو، دوای ئەوەی عێراق ئەو مافەی بە ئێران داو ڕووبەرێکیشی لەخاکەکەی بەخشی بەرامبەر لەناوبردنی بزووتنەوەی ڕزگاریخوازی کورد

زیانه‌ سه‌ره‌كییه‌كان: بەپێی ئاماری فەرمی ڕێکخراوە نێودەوڵەتییەکان، ژمارەی قوربانییان لەهەردوو بەرەی جەنگ، بە زیاتر لە ملیۆنێک کەس مەزەندە دەکرێت، لە ڕووی ئابووریشەوە، هەردوو وڵات زیانی زیاتر لە 400 ملیار دۆلاریان بەرکەوت و تێچووی ڕاستەوخۆی ئەو جەنگە ماڵوێرانییە نزیکەی 230 ملیار دۆلار بوو.