هاووڵاتییانی سۆران لە پچڕانی کارەبا بەشێوەیەکی کاتی ئاگادار دەکرێنەوە

ئاڤا نیوز

بەڕێوەبەرایەتیی کارەبای سۆران هاووڵاتییانی ناوچەکە لە پچڕانی کارەبا بەشێوەیەکی کاتی ئاگادار دەکاتەوە، ئەمەش بەهۆی ئەوەی تیمەکانی پڕۆژەی ڕووناکی بەردەوامن لە کارکردن.

وێنە گەورەکە: پرۆژەی ڕووناکی یەکێکە لە پرۆژە ستراتیژەکانی حکومەتی هەرێمی کوردستان، مەبەست لێی دابینکردنی کارەبای 24 کاتژمێرییە بۆ هەرێمی کوردستان، بڕیارە تا کۆتایی ساڵی 2025 تەواوی سەنتەری شارەکان بگرێتەوە، هاوکات تاکۆتایی ساڵی 2026 تەواوی هەرێمی کوردستان دەبێتە خاوەن کارەبای 24 کاتژمێری، لەدوای شارەکان ئیدارە سەبەخۆکان و قەزا و ناحیەکان دەگرێتەوە.
 

ڕاگەیێنراوی فەرمی: بەڕێوەبەرایەتیی گشتیی کارەبای سۆران، ڕایگەیاندووە، پێویست دەزانین هاووڵاتییانی بەڕێز ئاگادار بکەینەوە هەر ڕۆژێک تیمەکانی پڕۆژەی ڕووناکی لە هەر گەڕەکێک کار بکەن ئەوا کارەبا بەشێوەیەکی کاتی دەبڕێت. 


داوا لە مۆلیدەکانیش کراوە لەکاتی نەبوونی کارەبا نیشتمانی پێویستە مۆلیدەکان بەردەوام کار بکەن تاوەکو هاووڵاتییان لەو ماوەیەدا بێ کارەبا نەبن.