تۆڕی کارەبای نیشتمانی لە کەرکووک بەتەواوی کوژایەوە

ئاڤا نیوز

لقی دابەشکردنی کارەبای کەرکووک، کوژانەوەی گشتیی تۆڕی کارەبای لە شاری کەرکووک ڕاگەیاند.

چیرۆکی سەرەکی: ئەمڕۆ دووشەممە کوژاندنەوەیەکی گشتیی لە تۆڕی کارەبای نیشتمانی تەواوی عێراق ڕوویدا، بەهۆی ئەمەوە کارەبای تەواوی ناوچەکان کوژایەوە جگە لە هەرێمی کوردستان. 

لێدوانی فەرمی: بەپێی ڕاگەیاندنی لقی دابەشکردنی کارەبای کەرکووک، ئەمڕۆ کاتژمێر سێی پاشنیوەڕۆ تۆڕی کارەبای نیشتمانی لە سەرانسەری عێراقدا کوژایەوە، ئەم کوژانەوەیە کەرکووکیشی گرتەوە.

لقەکە ئاماژەی بەوەشکرد، ئێستا کارەبا لەسەرانسەری پارێزگای کەرکووک پچڕاوە و تیمەکان لەهەوڵی چاکردنەوەی کێشەکەن.

لەلایەکی دیکەوە: سەرچاوەیەکی ئاگادار ڕایگەیاند: سەرجەم وێستگەکانی کارەبا بەهۆی بارگرانی و بەرزبوونەوەی پلەکانی گەرماوە لەکارکەوتوون.