نەتانیاهۆ هەڕەشە لە ئێران دەکات؛ لە ئامادەباشیداین

ئاڤا نیوز

سەرۆکوەزیرانی ئیسرائیل، دوای دوو مانگ لە جەنگی 12 ڕۆژەی نێوان وڵاتەکەی و ئێران، لە پەیامێکی ڤیدیۆییدا جارێکی دیکە باسی ئێرانی کرد و وتی، ئێمە لە ئامادەباشیی بەرزداین ئەگەر ئێران هەوڵی بونیاتنانەوەی پڕۆگرامە ئەتۆمییەکەی بدات.

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند: 400 کیلۆگرام یورانیۆمی پیتێنراو لە ئێراندا زیانی پێنەگەیشتووە و ئێمە لەگەڵ واشنتن بە وردی چاودێری ئەمە دەکەین. 

- ئێمە لە ئامادەباشیی بەرزداین بۆ ئەگەری ئەوەی ئێران هەوڵی بونیاتنانەوەی پڕۆگرامە ئەتۆمییەکەی بدات.

ئێرانییەکان کێشەی کەمیی ئاو و کارەبایان هەیە، با بچنە سەر شەقامەکان و بەرپرسیارێتی بخەنە ئەستۆی حکومەتەکەیان.

بە تەنیشت ئەم بابەتەوە: نەتانیاهۆ سەبارەت بە پلانی فراوانکردنی ئۆپەراسیۆنە سەربازییەکان بۆ داگیرکردنی شاری غەززە گوتیشی ڕێگە بە خەڵکی غەززە دەدەن ناوچەکانی پێکدادان بە جێ بهێڵن و دواتریش ئەگەر بیانەوێت دەتوانن کەرتەکە بە جێ بهێڵن.