ئەستێرەی فیلمی ئۆپنهایمەر لە فیلمێکی نوێدا دەردەکەوێت

ئاڤانیوز

کیلیان مۆرفی دوای سەرکەوتنە بێوێنەکەی لە فیلمی ئۆپنهایمەر، ڕۆڵی سەرەکی لە فیلمێکی نوێدا دەگێڕیت.

چیرۆکی سەرەکی: ئەکتەری ئێرلەندی کیلیان مۆرفی، ئەستێرەی فیلمی ئۆپنهایمەر (Oppenheimer) ئامادەکاری دەکات بۆ ئەزموونێکی نوێی نواندن بە بەرجەستەکردنی ڕۆڵی سەرەکی لە فیلمێکی نوێدا بە ناونیشانی ( بڵەد ڕەنس کۆڵ - Blood Runs Coal).

نێوەڕۆکی فیلمەکە:  ڕۆژنامەی (دەیلی مەیڵ)ی بەریتانی ئاشکرای کردووە، فیلمەکە لە کتێبێکی نووسەری بەناوبانگ مارك برادلی وەرگیراوە، کە ڕووداوەکانی باس لە شەستەکانی سەدەی ڕابردوو دەکەن لە کارگەیەکی دروستکردنی خەڵوز لە ویلایەتی پەنسلڤانیای ئەمریکیا.

زانیاریی زیاتر: مۆرفی لەم فیلمەدا ڕۆڵی چیپ یابلونسکی دەگێڕێت، کە باوکی لە یەکێك لە تەقینەوەکانی نێو یەکێك لە کانەکان دەکوژرێت، کە لەلایەن تووندڕەوێکەوە پلانی بۆ داڕێژراوە.

ئەمەش بزانە: سیناریۆی فیلمەکە لەلایەن نووسەران (ستیڤن نایت و هەردوو برا جێز و جۆن بەتەروۆرس) دەنووسرێت، کریستۆڤەر نۆڵان، دەرهێنەری فیلمی  ئۆپنهایمەر کاری دەرهێنانی بۆ دەکات.