عێراق و تورکیا لیژنەیەکی گومرگی هاوبەش پێکدەهێنن

ئاڤا نیوز

بۆ پتەوکردنی هاوکاریی نێوان دەسەڵاتە گومرگییەکان و  پەرەپێدانی پەیوەندیی بازرگانیی نێوان  هەردوو وڵات، عێراق و تورکیا لەسەر پێکهێنانی لیژنەیەکی گومرگیی هاوبەش ڕێککەوتن.

ڕاگەیێنراوی فەرمی: بەپێی ڕاگەیێنراوێکی باڵیۆزخانەی عێراق لە ئەنقەرە، ڕێککەوتنەکە لە میانی کۆبوونەوەیەکدا بووە لە پایتەختی تورکیا، کە لەلایەن سامی ڕازی، ڕاوێژکاری سەرۆکوەزیرانی عێراق بۆ کاروباری دەروازە سنوورییەکان و گومرگ و گواستنەوە و سەزای ئۆچارماک، جێگری وەزیری بازرگانیی تورکیا، سەرپەرشتی کراوە.

بەگوێرەی ڕاگەێیێنراوەکە، لە کۆبوونەوەکەدا هەردوولا ڕێککەوتون لەسەر ئاسانکردنی جووڵەی بازرگانی و بەرزکردنەوەی ئاستی کارکردن لە دەروازە سنوورییەکان.

زانیاریی زیاتر:  هەردوولا ئامادەیی خۆیان بۆ بەرزکردنەوەی قەبارەی ئاڵوگۆڕی بازرگانی بۆ 30 ملیار دۆلار نیشان داوە.