حیزبوڵڵای لوبنان: چەک دانانێین

ئاڤا نیوز

ئەمینداری گشتیی حیزبوڵڵای لوبنان، ئاشکرای کرد، بەرەی مقاوەمە بەردەوام دەبێت لەڕووبەڕووبونەوەی هەموو پلانێک و چەکەکانی دانانێت و هۆشدارییەکی توندیشی دا.

چیرۆکی سەرەکی:  حکومەتی لوبنان بەسەرۆکایەتیی نەواف سەلام، 5-8-2025، سوپای وڵاتەکەی ڕاسپارد بۆ ئامادەکردنی پلانێک بۆ چەککردنی حیزبوڵڵای لوبنانی و سنووردارکردنی چەک تەنیا لە دەستی هێزە ئەمنی و سەربازییەکانی دەوڵەت.
 
لیدوانی فەرمی: نەعیم قاسم، ئەمینداری گشتیی حیزبوڵڵای لوبنان، ڕایگەیاند: بەرەی مقاوەمە بەهیچ شێوەیەک ئامادەنییە چەک ڕادەستی هچ لایەنێک بکات.

"یان دەبێت پێکەوە بژین، یان دەبێت هەموومان بەیەکەوە ماڵئاوایی لە دنیا بکەین"، نەعیم قاسم، ئەمەشی وت.

باکگراوند: پێشتر حیزبوڵڵای لوبنان بە تووندی دژی بڕیارێکی حکومەتی لوبنان وەستایەوە سەبارەت بە دانانی پلانێک بۆ کۆکردنەوەی چەکی مقاوەمە و ڕێکخستنی کارەکانیان لەچوارچێوەی دەوڵەتدا.