کۆشکی سپی: نەتەنیاهۆ ڕەزامەندی دەربڕی لەسەر ناردنی شاندەکەی بۆ واشنتن

ئاڤا نیوز 

 

لەوە دەچێت نەتەنیاهۆ تووڕەبوونەکەی بەرامبەر ئەمریکا نەمابێت، شاندە سەربازییەکەی بۆ دانووستان لەسەر پرسی ڕەفەح بۆ واشنتن دەنێرێت.

وێنە گەورەکە: دوای ئەوەی بەهۆی "بەکارنەهێنانی ڤیتۆی ئەمریکا" لە ئاگربەستی غەززە، نەتەنیاهۆ ناردنی شاندەکەی بۆ واشنتن هەڵوەشاندەوە، کۆشکی سپی ڕایگەیاند، نەتەنیاهۆ بە ناردنی شاندەکە ڕازی بووە.

لێدوانی فەرمی: کارین جان پیێر، گوتەبێژی کۆشکی سپی ڕایگەیاند؛ شاندەکە ڕێککەوتوون لەسەر دووبارە دانانی کاتەکانی سەردانەکەیان و ئەمریکا و ئیسرائیل دەستیان بە دانووستان کردووە بۆ دیاریکردنی وادەیەکی نوێ.

پێدراوە ڕاستەکان: بڕیار وایە ئەو شاندە لەسر پرسی هێرشە پلان بۆ داڕێژاوەکانی " هێرشی وشکانی ڕەفەح" لەگەڵ ئەمریکا کۆببنەوە.

چی روویدا؟ لە 25ـی ئازاردا ئەنجوومەنی ئاسایشی نەتەوە یەکگرتووەکان بڕیارنامەی" ئاگربەستی غەززە"ـی پەسەند کرد، لەبەر ئەوەی ئەمریکا ڤیتۆی لەسەر پڕۆژە یاساکە نەکرد، بنیامین ناتانیاهۆ، سەرۆکوەزیرانی ئیسرائیل هەڵوێستی وەرگرت و بڕیاری ناردنی شاندەکەی هەڵوەشاندەوە.

باكگراوند: لەحەوتی ئۆكتۆبەری ساڵی ڕابردووەوە شەڕی نێوان ئیسرائیل و حەماس بەردەوامە، زیاتر لە 32 هەزار فەڵەستینی كوژراون و زیاتر لە هەزار و 200 ئیسرائیلیش كوژراون.