یەختێکی کۆچبەران لە ئاوی سێ پەنجەوە لە مەترسیدایە

ئاڤا نیوز

یەختێکی کۆچبەران بە 39 کەسەوە ماوەی سێ ڕۆژە لە تورکیاوە بەڕێکەوتوون، ئێستا لە ئاوی سێ پەنجەوە ژیانیان کەوتووەتە مەترسیەوە، چەند کەسێکیش گیانیان لەدەستداوە.

لێدوانی فەرمی: ڕەنج پشدەری، چالاکووانی بواری مەدەنی، بە ئاڤا میدیای ڕاگەیاند، "زانیاریمان پێگەیشتووە کە یەختێکی کۆچبەران سێ ڕۆژە لە تورکیاوە بەڕێکەوتوون لەناوچەی کەلەماتە لە ئاوی سێ پەنجەوە گیریان خواردووە، بەهۆی ڕەشەبا و زۆری شەپۆلەوە یەختەکە بەرزبووەتەوە و دووکەس گیانیان لەدەستداوە، بەڵام یەختەکە هیچ کوردێکیان تێدا نیە".

- لەنێو یەخەتەکەدا، دوو کەس بەمردوویی دۆزراوەتەوە، هێزی دەریاوانی یۆنان ئاگادارکراونەتەوە تاوەکو فریای یەختەکە بکەوێت.

- تا ئێستا پشتڕاست نەکراوەتەوە کە ئەو دوو کەسەی گیانیان لەدەستداوە خەڵکی چ وڵاتێکن، "بەڵام دڵنیاین یەختەکە هیچ کوردێکی تێدا نیە".