نێردەی ئەمریکا: پرسی داماڵینی چەک بڕیاری لوبنانە

ئاڤا نیوز

تۆم باراک، نوێنەری ئەمریکا، بۆ جاری چوارەم سەردانی لوبنانی کرد، لەگەڵ جۆزێف عەون، سەرۆکی لوبنان کۆبوویەوە و  تاوتوێی چەکداماڵینی حیزبوڵڵای لوبنانیان کرد.

چیرۆکی سەرەکی: حکومەتی لوبنان پلانی هەیە حیزبوڵڵا چەک دابنێت ئەمەش لەلایەن حیزبوڵڵای ڕەتکرایەوە و پابەندبوونی خۆیان بە هێزی چەکداری ڕاگەیاند، هاوکات پشتیوانی ئێران بۆ ئەم هەڵوێستە بە ڕاشکاوی لە لایەن بەرپرسانی باڵای ئێران ڕەتکراوەتەوە.

لێدوانی فەرمی: تۆم باراک، نوێنەری ئەمریکا نێردەی ئەمریکا لە کۆنگرەیەکی ڕۆژنامەوانیدا ڕایگەیاند، سوپای لوبنان دەبێتە گەرەنتی ئەمنی بۆ داماڵینی چەک لە حیزبوڵای لوبنان، جەختیشیکردەوە، حیزبوڵڵا ناتوانێت هیچ شتێک وەربگرێت بەبێ ئەوەی لە بەرامبەردا شتێک پێشکەش بکات، پرسی داماڵینی چەک بڕیاری دەوڵەتی لوبنانە.

زانیاریی زیاتر: لەدرێژەی قسەکانیدا باراک ئاماژەی بەوەکرد، دیدگای و ژیان و لوبنانێکی باشترمان دەوێت.