دوای نۆ ڕۆژ لەمردنی؛ تەرمی ئافرەتێک لەنێو ماڵەکەی دۆزرایەوە

ئاڤا نیوز

لە گەڕەکی ڕزگاریی شاری سلێمانی لە نزیک مزگەوتی حەزرەتی ئیبراهیم، تەرمی ئافرەتێک لەنێو ماڵەکەی دۆزرایەوە. بەپێی لێکۆڵینەوەی پزیشکیی، ئافرەتەکە نۆ ڕۆژ پێشتر مردووە.

چیرۆکی سەرەکی: دوای دیارنەمانی ئافرەتێکی تەمەن 50 ساڵ لە یەکێک لە گەڕەکەکانی شاری سلێمانی، لەلایەن خەڵکی گەڕەک هەست بە بۆنێکی نامۆ دەکرێت و پۆلیسی لێ ئاگادار دەکرێتەوە، پۆلیس دەچێتە ماڵەکە دەبینێت ئافرەتێک مردووە، تەرمەکەی هەڵدەگرێتەوە و ڕەوانەی پزیشکی دادی دەکات بۆ لێکۆلینەوە.

لێدوانی فەرمی: سەرکەوت ئەحمەد، وتەبێژی پۆلیسی سلێمانی بە ئاڤا میدیای ڕاگەیاند، مردنی ئەم ئافرەتە هیچ ڕووداوێکی لە پشت نیە، بەڵکو بە نەخۆشی کۆچی دوایی کردووە، لەدوای نۆ ڕۆژ لەلایەن دراوسێکانییەوە ئاگاداری پۆلیسی کراوەتەوە، پۆلیسیش چووە بۆ شوێنی ڕووداوەکە و تەرمەکەی بۆ پزیشکی داد گواستووەتەوە، بە مەبەستی توێکاری و  لێکۆڵینەوە لە هۆکاری مردنەکەی.

زانیاریی زیاتر: ئەم ئافرەتە بە تەنیا لە ماڵەوە دەژیا، بۆیە کەس ئاگاداری مردنەکەی نەبووە، بەهۆی بۆنەکەوە زانراوە لە ماڵەوە مردووە.