کۆنسوڵخانەی ئەمریکا: لە هێرشەکەی ئێران بۆ سەر هەولێر هیچ ناوەندێکی ئەمریکا زیانیان بەرنەکەوتووە

ئاڤا دیجیتاڵ

 

کۆنسوڵخانەی ئەمریکا لە هەولێر سەرکۆنەی هێرشەکەی ئێران بۆ سەر هەولێر دەکات و دەڵێت، هیچ ناوەندێکی ئەمریکا زیانی بەرنەکەوتووە.

 

چیرۆکی سەرەکی: درەنگانی شەوی دووشەممە 15-01-2024 ئێران بە ژمارەیەک مووشەک هێرشی کردە سەر هەولێر، بەهۆیەوە گیانلەدەستدان و برینداری لێکەوتەوە، ئەمەش کاردانەوەی نێودەوڵەتیی زۆری بەدوای خۆیدا هێنا. 

 

لێدوانی فەرمی: کۆنسوڵخانەی ئەمریکا لە هەولێر "بەتوندی سەرکۆنەی هێرشە پڕتوندوتیژی و بێماناکانی ئەم دواییەی ئێران دژی هاووڵاتییانی مەدەنیی هەرێمی کوردستان و هێرشە درۆنییە بەردەوامەکانی سەرتاسەری ناوچەکە دەکەین.

 

کاریگەری و لێکەوتەکانی: لە هێرشەکەی ئێران بۆ سەر هەولێر، گیانلەدەستدانی 4 کەس و برینداربوونی 6 کەسی دیکە ڕاگەیێنراوە، کۆنسوڵخانەی ئەمریکا لە هەولێر سەرەخۆشیی خۆمان ئاراستەی کەسوکاری قوربانییەکان دەکەین و هیوای چاکبوونەوەی خێراش بۆ هەموو ئەوانەی برینداربوون دەخوازین. 

 

بابەتی ستراتیژی: کۆنسوڵخانەی ئەمریکا لە هەولێر سەرکۆنەی پێشێلکردنی ئاشکرای سەروەریی عێراق لەلایەن ئێرانەوە دەکەین.

 

ئەوەی پێویستە بیزانیت: کۆنسوڵخانەی ئەمریکا لە هەولێر ڕوونی دەکاتەوە لە هێرشەکانی ئێران لە 15-01-2024 هیچ ناوەندێکی ویلایەتە یەکگرتووەکانی ئەمریکا زیانی بەرنەکەوتووە.