ڕووسیا نیگەرانە لە بڕیارێکی ترەمپ بۆ فرۆشتنی مووشەکی دوور مەودا بە ئۆکراینا

ئاڤا نیوز

ئیدارەی دۆناڵد ترەمپ، ڕەزامەندی لەسەر فرۆشتنی مووشەکی دوور مەودا لەگەڵ مەرجی بەکارهێنان بە ئۆکراینا دەردەبڕێت و ڕووسیاش هەڕەشەی بە ئامانجگرتنی کاروانی مووشەکەکان دەکات. 

وێنە گەورەکە: لە چوارچێوەی فشارەکانی دۆناڵد ترەمپ، سەرۆکی ئەمریکا بۆ فشار خستنە سەر مۆسکۆ بۆ ڕازیبوون بە ئاگربەست و کۆتایهێنان بەجەنگی نێوان ڕووسیا و ئۆکراینا، لە نوێترین هەنگاودا ڕەزامەندی لەسەر فرۆشتنی سێ هەزار و 350 مووشەکی دوور مەودا بە کیێڤ دەردەبڕێت. 

بڵاوکراوەی فەرمی: بەپێی ڕاپۆرتە ڕۆژنامەوانییەکان کە لە زاری بەرپرسانی باڵای ئیدارەی ترەمپەوە گواستوویانەتەوە بڕیار وایە کیێڤ لە ماوەی شەش هەفتەی داهاتوودا سێ هەزار و 350 مووشەکی دوور مەودای بەدەست بگات کە لە نێویاندا مووشەکی بەرگریی ئاسمانی لەخۆدەگرێت، نرخی گشتی ئەم گەڕەی مووشەکەکان 850 ملیۆن دۆلارە و بە پێی بەڵگەنامەی فرۆشتنەکە ڕەزامەندی پنتاگۆن مەرجە بۆ بەکارهێنانی مووشەکەکان لە لایەن ئۆکرایناوە. 

بۆچوونی لایەنی بەرامبەر: سێرگی لاڤرۆڤ، وەزیری دەرەوەی ڕووسیا بەردەوامی پشتیوانییە سەربازییەکان بۆ ئۆکراینا بە گەورەترین ڕێگری بۆ کۆتایهێنان بە جەنگ ناوبرد و ڕایگەیاند، ڕووسیا مافی تەواوی هەیە بۆ بە ئامانج گرتنی ئەو مووشەکانە لە کاتی گواستنەوەیان بۆ ئۆکراینا و ڕێگە بە پڕچەککردنی کیێڤ نادات.