بەهۆی ڕووداوێکی هاتووچۆ قەزایەک و سێ  گەڕەکی سلێمانی بێ ئاو دەبن

ئاڤا نیوز

دوو ڕۆژە بەهۆی پیسبوونی ئاوی دەریاچەی دووکان بە سووتەمەنی، بەشێکی گەڕەکەکانی سلێمانی و قەزا و ناحییەکانی دورووبەری بێ ئاون.

چیرۆکی سەرەکی: پێنجشەممەی ڕابردوو دوو تانکەری نەوت لە سنووری قەزای دووکان تووشی ڕووداوی هاتووچۆ بوون،  یەکێکیان وەرگەڕا و نەوتی ڕەش ڕژایە نێو دەریاچەی دووکان، هەروەها ئاگرێکی گەورەش بەهۆی ڕووداوەکە دروست بوو.

کاریگەری و لێکەوتەکان: بەهۆی پیسبوونی ئاوی دەریاچەکە، دوو ڕۆژە قەزای چەمچەماڵ و گەڕەکەکانی (قڕگە، هەواری شار و کوردسات) لە سلێمانی، بەشێکی قەزا و ناحییەکانی دەورووبەر ئاوی پاکی خواردنەوەیان بۆ نەچووە.

لێدوانی فەرمی:  بەختیار تاهیر، بەڕێوەبەری ئاوی سلێمانی بە ئاڤا نیوزی گوت: لە پێنجشەممەوە بەشێک لە پرۆژەکانی دابەشکردنی ئاو وەستێنراون، تیمەکانمان هەڵمەتێکیان دەستپێکردووە بۆ پاککردنەوەی تەواوی پاشماوەکان لە ئاوی دووکان، تا دڵنیانەبینەوە لە پاکی ئاوەکە دابەشکردنی ئاو دەستپێنکاتەوە.