هاوپه‌یمانیی حامۆرابی: سەرۆک بارزانی واتە ئاسایش و دڵنیایی بۆ پێکهاتەکان

ئاڤا نیوز

لەبارەی پەیامەکەی سەرۆک بارزانی کە ڕایگەیاند ناکرێت هەڵبژاردن بێ پێکهاتەکان بکرێت، سەرۆک هاوپەیمانی حامۆرابی دەڵێت: سەرۆک بارزانی واتە ئاسایش و دڵنیایی بۆ پێکهاتەکان و پارێزەری بەهاکانی دیموکراسی.

وێنە گەورەکە: سەرۆک بارزانی لە نوێترین پەیامیدا لەبارەی پرۆسەی هەڵبژاردن ڕایگەیاند، ناكرێت هەڵبژاردن بەبێ بەشداریی پێكهاتەكان بکرێت و پەرلەمانێک پێكبهێنرێت نوێنەری پێكهاتەكانی تێدا نەبێت.

لێدوانی فەرمی: لەمبارەیەوە ئانۆ جه‌وهه‌ر، سه‌رۆكی هاوپه‌یمانیی حامۆرابی کە یەکێکە لەو لایەنە سیاسییانەی کریستیان بەهۆی هەڵوەشاندنەوەی کورسی پێکهاتەکان لەلایەن دادگای فیدراڵییەوە هەڵبژاردنی بایکۆت کردووە، بە ئاڤا نیوزی گوت: "سەرۆک بارزانی واتا ئاسایش، دڵنیایی، بەرگریکردن لە پێکەوەژیان و دادپەروەری بۆ کریستیان، پێکهاتەکان، گەلی کوردستان و هەموو گەلانی عێراق".