هاوکاریی دارایی مانگی هەشتی پێشمەرگە دابەش دەکرێت

ئاڤا نیوز

ڕۆژی پێنجشەممە هاوکاریی دارایی مانگی هەشتی لیواکانی پێشمەرگە دابەشدەکرێت، سەرووی 75 هەزار کەس ئەفسەر و پلەدار سوودمەند لەڕێگەی "هەژماری من" ـەوە سوودمەند دەبن.

وێنە گەورەکە: لەچوارچێوەی هاوکاریی هاوپەیمانان بۆ هێزەکانی پێشمەرگە مانگانە بڕێک پارە بۆ هێزەکانی پێشمەرگە خەرج دەکرێت و تاوەکو 01-01-2026 پڕۆسەکە بەردەوام دەبێت. سەرووی 78 هەزار ئەفسەر و پێشمەرگە مانگانە بڕێک پارە وەک هاوکاریی دارایی لە هاوپەیمانان دەتوانن لەڕێگەی هەژماری من وەرگرن.

لێدوانی فەرمی: سەرچاوەیەک لە وەزارەتی پێشمەرگە بە ئاڤای گوت، "ڕۆژی پێنجشەممە 04-09-2025 هاوکاریی دارایی مانگی هەشت دابەش دەکرێت، بۆ هەر پێشمەرگەیەک 181 هەزار دینارە."

ئەمەش بزانە: لە ماوەی دوو ساڵی ڕابردوودا، ئەو بڕە پارەیەی وەک هاوکاریی مانگانە لەلایەن هێزەکانی هاوپەیمانانەوە دەدرێتە پێشمەرگەکانی لیوا هاوبەشەکان، بەشێوەیەکی بەرچاو کەمی کردووە. هۆکارەکەش بەهۆی زیادبوونی ژمارەی ئەو پێشمەرگانەوەیە کە لەو هاوکارییە سوودمەند دەبن.