حیزبوڵڵای عێراق: موجاهیدانی جیهان خۆتان بۆ شەڕ ئامادە بکەن

ئاڤا نیوز

کەتائیبی حیزبوڵڵای عێراق داوا لە چەکدارانی جیهان دەکات بۆ پشتیوانیی لە ئێران خۆیان بۆ شەڕ ئامادە بکەن و دەڵێت هێرشکردنە سەر تاران بۆ هیچ لایەنێک ئاسان نابێت.

لێدوانی فەرمی: ئەبو حوسێن حەمیداوی، ئەمینداری کەتائیبی حیزبوڵڵای عێراق، ڕایگەیاند: داوا لە هەموو موجاهیدانی جیهان دەکەین بۆ پشتیوانیی لە کۆماری ئیسلامیی ئێران خۆیان بۆ شەڕ ئامادە بکەن؛ دڵنیاییش دەدەین کە هێرشکارەکان لەم ناوچەیەدا جێگەیان نابێتەوە و ڕووبەڕووی وەڵامێکی توند دەبنەوە.

حەمیداوی جەخت لەوە دەکاتەوە کە ئێران ماوەی 40 ساڵە پاڵپشتیی لە لایەنە لاوازەکان و دۆزە ڕەواکانی گەلانی ئیسلامیی کردووە و ئێستاش کە بە ئامانج دەگیرێت، پێویستیی بە هانای لایەنگرانیەتی.

زانیاریی زیاتر: کەتائیبی حیزبوڵڵا بە فەرمیی دەرگای ناونووسینی بۆ ئەو کەسانە کردووەتەوە کە دەیانەوێت بەشداریی شەڕ بکەن و داوای لێ کردوون سەردانی حوسێنییەکان بکەن بۆ تۆمارکردنی ناوەکانیان.