هەڵبژاردنی شارەوانییەكان لە باکووری کوردستان و توركیا بەڕێوەدەچێت

ئاڤا نیوز

 

ئەمڕۆ یەکشەممە بە بەشداری زیاتر لە 61 ملیۆن دەنگدەر هەڵبژاردنی شارەوانییەکان لە باکووری کوردستان و تورکیا بەڕێوەدەچێت کە تێیدا 34 پارتی سیاسی کێبڕکێی بەدەستهێنانی دەنگەکان دەکەن.

 

بۆچی گرنگە: پارتە سیاسییەکانی تورکیا کێبڕکێ لەسەر بردنەوەی 81 گەورە شارەوانی و شارەوانی دەکەن، شەڕە گەرمەکە لەسەر گەورە شارەوانی ئیستەنبوڵە کە ڕەنگە چارەنووسی سەرۆکایەتی کۆماری داهاتووی تورکیا یەکلایی بکاتەوە.

 

ژمارەکان وادەڵێن: لە تورکیا 61 ملیۆن و 441 هەزار و 881 دەنگدەر مافی دەنگدانیان هەیە. لەو ژمارەیە، یەک ملیۆن و 32 هەزار و 610 دەنگدەر بۆ یەکەمجار دەنگ دەدەن. 250 هەزار و 903 سندوقی دەنگدان لە سەرانسەری تورکیا بۆ دەنگدەران ئامادەکراوە

ئەوەی پێویستە بیزانیت: بە گشتی، لە باکووری کوردستان و تورکیا 81 پارێزگا هەن کە لە 30 گەورە شارەوانی و 51 شارەوانیی شارەکان پێکهاتوون، هەروەها  20 هەزار و 745 ئەندامی ئەنجوومەنی شارەوانییەکان و هەزار و 272 ئەنجوومەنی گشتیی شارەکان هەن.