کۆبوونەوەی شاندی هەولێر و بەغدا لەبارەی نەوت و داهاتی ناوخۆ کۆتاییهات

ئاڤا نیوز


کۆبوونەوەی نێوان شاندی دانووستانکار هەولێر و بەغدا کۆتاییهات، هەردوولا کۆنووسی هاوبەشی پرۆتۆکۆڵی دەستپێکردنەوەی هەناردەی نەوتیان واژۆ کردووە.

زانیاریی بەدەستهاتوو: کەمێک پێش ئێستا کۆبوونەوەی شاندی دانوستانکاری هەرێمی کوردستان و عێراق لەسەر پرسی هەناردەکردنەوەی نەوتی هەرێمی کوردستان و داهاتی ناوخۆ کۆتاییهات.

 

وێنە گەورەکە: ڕۆژی چوارشەممە 2025-3-9، لە کۆبوونەوەی ئەنجوومەنی وەزیرانی هەرێمی کوردستان شاندی دانوستانکاری کوردستان ڕاسپێردرا، کە لە کۆبوونەوەیان لەگەڵ شاندی دانوستانکاری عێراق، بەردەوام بن لە هەوڵەکانیان، پەلە بکەن بۆ گەیشتن بە چارەسەری گونجاو بۆ دەستپێکردنەوەی هەناردەکردنی نەوت لە ڕێگەی کۆمپانیای سۆمۆوە.

 

لەلایەکی دیکە: وەزارەتەکانی نەوت و سامانە سرووشتییەکان لەگەڵ کۆمپانیاکانی نەوتی باکوور و سۆمۆ کۆنووسی هاوبەشی پرۆتۆکۆڵی دەستپێکردنەوەی هەناردەی نەوتیان واژۆ کردووە، ئەوەی لەسەر هەرێمی کوردستان بووە کارئاسانی پێویستی بۆ لابردنی بەربەستەکان کردووە، هەوڵەکانیشی بۆ گەیشتنەوە بە ئاستی بەرهەمهێنان وەک پێش هێرشە تیرۆرستییەکانی ئەم دوایەی کێڵگە و دامەزراوە نەوتییەکان بەردەوامە.