گەشتەکان لە فڕۆکەخانەی قامیشلۆ دەست پێ دەکەنەوە

ئاڤا نیوز

بڕیارە لە ماوەی 20 ڕۆژی داهاتوو گەشتەکان لە فڕۆکەخانەی قامیشلۆی ڕۆژئاوای کوردستان دەست پێ بکەنەوە، دوای ئەوەی ئاسایشی ئیدارەی خۆسەر و حکومەتی سووریا وردبینیی ئەمنی و هەڵسەنگاندنیان بۆ کرد.

زانیاریی بەدەستهاتوو: میدیای ڕۆژئاوای کوردستان بڵاویکردەوە، دوای ئەوەی هێزەکانی ئاسایشی سەر بە ئیدارەی خۆسەر و ئاسایشی حکومەتی سووریا وردبینی ئەمنیی و هەڵسەنگاندنیان بۆ کرد، لە ماوەی 20 ڕۆژی داهاتوودا کارەکانی فڕۆکەخانەی قامیشلۆو لەناویاندا گەشتەکان دەست پێ بکەنەوە.

لەلایەکی دیکەوە: بەگوێرەی ڕێککەوتنی نێوان هەردوو لیژنە، لە سێ ڕۆژی داهاتوودا بارمتەکانی هەسەدە لای حکومەتی سووریا و بارمتەکانی دیمەشقیش لای هەسەدە ئازاد دەکرێن.

قۆناغی داهاتوو: ئەمڕۆ دووشەممە هەردوو شاندی دیمەشق و ئاسایشی ڕۆژئاوای کوردستان سەردانی ناوچەی ڕمێلان دەکەن کە ناوچەیەکی ناسراوی ڕۆژئاوای کوردستانە و چەندین کێڵگەی نەوتی تێدایە.